Ադրբեջանի Աղդամի շրջանում ամուսինը հրկիզել է կնոջը
Ադրբեջանի Մախրիզլի Աղդամ շրջանի բնակիչ Իսմայիլ Ալիեւը բենզին լցնելու միջոցով հրկիզել է իր սեփական կնոջը` Կիմա Վելիեւային: Այս մասին հայտնում է ադրբեջանական haqqin.az լրատվական կայքը:
Աղդամի շրջանի ոստիկանության հաղորդմամբ` Կիմա Վելիեւան ծանր աստիճանի այրվածքներով տեղափոխվել է շրջանային հիվանդանոց, նրա վիճակը կայուն ծանր է:
Դեպքի առթիվ քրեական գործ է հարուցվել:
Ադրբեջանում վերջին շրջանում ընտանիքի անդամների՝ միմյանց նկատմամբ կատարվող հանցագործությունների թիվն աճել է:
Հոգեբանները դրա գլխավոր պատճառներից մեկը համարում են Ադրբեջանում սկսված խորը տնտեսական ճգնաժամի պատճառով բնակչության շրջանում ագրեսիայի աճը:
