Հիլարի Քլինթոնն իր կողմնակիցներին կոչ է արել հարգել ընտրությունների արդյունքները
ԱՄՆ նախագահական ընտրություններում պարտված թեկնածու Հիլարի Քլինթոնը հանդես է եկել հայտարարությամբ, որում հույս է հայտնել, որ Դոնալդ Թրամփը հաջողակ նախագահ կլինի երկրի համար: Այս մասին հայտնում է BBC-ն: «Մենք տեսանք, որ մեր ժողովուրդն ավելի շատ է մասնատված, քան կարծում էինք»,- ասել է Քլինթոնը:
Քլինթոնը հիշեցրել է, որ ԱՄՆ հեռացող նախագահ Բարաք Օբաման, ով առավոտյան ժամերին շնորհավորել է Դոնալդ Թրամփին հաղթանակի կապակցությամբ, ասել է, որ որևէ մեկի համար գաղտնիք չէ, որ ինքը և Դոնալդ Թրամփը միմյանցից էականորեն տարբերվում են: «Դեմոկրատները պետք է հիշեն, որ մենք` ամերիկացիներս, հայրենասեր ենք ու լավագույնն ենք ցանկանում այս երկրի համար»,- ասել է նա:
Հիլարի Քլինթոնը իր կողմնակիցներին կոչ է արել հարգել ընտրությունների արդյունքները` ընդգծելով, որ երկրի Սահմանադրության մեջ ամրագրված է իշխանությունը խաղաղ ճանապարհով փոխանցելու դրույթը:
