Հայաստանի հավաքականի նախկին մարզիչը գլխավորել է «Լորյեն»-ը
Հայաստանի ազգային հավաքականի նախկին գլխավոր մարզիչ Բեռնար Կազոնին նշանակվել է ֆրանսիական «Լորյեն»-ի գլխավոր մարզիչ: Ինչպես փոխանցում է «Արմենպրես»ը, վկայակոչելով «Լորյեն»-ի պաշտոնական կայքը, պայմանագիրը կնքվել է մինչ գործող մրցաշրջանի ավարտը:
Ֆրանսիայի առաջնության 12 տուրից հետո «Լորյեն»-ն ունի 7 միավոր և եզրափակում է մրցաշարային աղյուսակը:
Կարիերայի ընթացքում Կազոնին հանդես է եկել «Կան»-ում, «Տուլոն»-ում, «Ռասինգ»-ում, «Մարսել»-ում, ինչպես նաև Ֆրանսիայի հավաքականում:
Մարզչական կարիերան սկսել է 1999-ին` «Մարսել»-ում: Կազոնին գլխավորել է «Կան»-ը, «Բաստիա»-ն, «Էվիան»-ը, «Օսեր»-ը, «Վալանսյեն»-ը, Թունիսի «Էտուալ դյու Սահել»-ը, «Ստադ Տունիզյեն»-ը, հունգարական «Վիդեոտոն»-ը: Հայաստանի հավաքականում նա աշխատել է 2004-2005 թվականներին:
