Քրդերի հետ բախման արդյունքում կրկին թուրք զինվոր է սպանվել
Թուրքիայի Շըրնաք նահանգում Քրդական բանվորական կուսակցության (PKK) դեմ իրականացվող գործողությունների շրջանակում կրկին թուրք զինվոր է սպանվել: Այս մասին հայտնում է թուրքական haberler.com լրատվական կայքը:
Թուրքական զինված ուժերի եւ PKK մարտիկների միջեւ տեղի ունեցած բախման ժամանակ 1 թուրք զինվոր է սպանվել:
Արդեն մի քանի ամիս է Թուրքիայի տարբեր շրջաններում Թուրքական ԶՈՒ-ի եւ Քրդստանի աշխատավորական կուսակցության (PKK) մարտիկների միջեւ ռազմական գործողություններ են ընթանում:
Թուրքական իշխանությունների կողմից քրդական խնդիրը կարգավորելու գործընթացից հրաժարվելուց հետո PKK-ն հայտարարել էր, որ զինված ազատագրական պայքարը լեռներից տեղափոխում է բնակավայրեր, մեծ քաղաքներ եւ զբոսաշրջային հանգստյան վայրեր:
