Թուրքիայի քրդամետ կուսակցությունը բոյկոտում է խորհրդարանի աշխատանքը
Թուրքիայում քրդամետ Ժողովուրդների դեմոկրատական կուսակցության (HDP) պատգամավորների ձերբակալությունից հետո խմբակցության անդամները հրաժարվել են մասնակցել Թուրքիայի խորհրդարանի աշխատանքներին: Պատգամավորները չեն բացառում անգամ մանդատների վայր դնումը, հայտնում է DW-ն:
Քրդամետ պատգամավորները որոշել են բոյկոտել Թուրքիայի խորհրդարանի աշխատանքները: Ինչպես այսօր հայտարարել է HDP-ի ներկայացուցիչ Այհան Բիլգենը, այդ քայլի պատճառը կուսակցության երկու համանախագահների և պատգամավորների ձերբակալություններն են:
Խմբակցությունը դեռևս մնում է խորհրդարանում, սակայն նրա պատգամավորները չեն մասնակցի լիագումար նիստերին և կոմիտեների նիստերին: Միաժամանակ, կուսակցության ներսում տեղի կունենա հետագա քայլերի քննարկում, բացատրել է HDP-ի պատգամավոր Զիյա Փիրը:
«Մենք դիտարկում ենք երկու տարբերակ՝ խորհրդարանական աշխատանքին վերադարձից մինչև մանդատների վայր դնում»,- ասել է պատգամավորը dpa գործակալությանը:
HDP-ի խմբակցությունը Թուրքիայի խորհրդարանում մեծությամբ երրորդն է, այն ունի 59 մանդատ:
