«Փլեյբոյ» թե՞ եկեղեցի. ինչպիսի՞ ընտրության առաջ է կանգնեցրել Ռոնալդոն Պատոյին
Իսպանական «Վիլյառեալի» բրազիլացի հարձակվող Ալեշանդրե Պատոն խոսել է իտալական «Միլանում» անցկացրած երկար տարիների մասին, ինչպես նաև պատմել է, թե ինչ խոսակցություն է ունեցել առաջին անգամ հանդերձարանում Ռոնալդոյին հանդիպելիս:
Պատոն պատմել է, որ առաջին անգամ Ռոնալդոյին տեսել է հանդերձարանում Մալդինիի և Կակայի հետ: Ռոնալդոն մոտեցել է երիտասարդ Պատոյին, ցույց է տվել նրան «Փլեյբոյ» ամսագիրը և ասել, որ նա պետք է ընտրի՝ միանում է իրե՞նց, թե գնում է Կակայի եկեղեցին:
Բրազիլական ֆուտբոլի լեգենդ Ռոնալդոն հայտնի է իր կնամոլ բնավորությամբ, իսկ բրազիլացի մյուս ֆուտբոլիստ Կական՝ եկեղեցու հանդեպ մեծ նվիրվածությամբ և սիրով:
Պատոն, սակայն, այդպես էլ չի հայտնել լրագրողներին, թե ինչ է պատասխանել Ռոնալդոյին:
Սիրարփի Աղաբաբյան
