Ադրբեջանում անչափահաս է ինքնասպան եղել
Ադրբեջանի Մասազըր գյուղաքաղաքի բնակիչ, 16-ամյա Ասիման Ամիրովն ինքնասպան է եղել: Այս մասին հայտնում է ադրբեջանական azadliq.info լրատվականը:
Մասազըրի դատախազության հաղորդմամբ` տղային կախված են գտել տանը, որտեղ նա բնակվել է հարազատների հետ: Ինքնասպանության պատճառները հայտնի չեն, դեպքի առթիվ նախաքննություն է ընթանում:
Մանկական հոգեբույժ Նարմինա Հաջիեւայի խոսքով` վերջին 10-20 տարիներին Ադրբեջանում մանկական ինքնասպանությունների թվաքանակը 15-16 անգամ աճել է:
Հոգեբան Ազադ Իսազադեն ավելի վաղ հայտնել էր, որ ինքնասպանությունների մեծացած թվաքանակն Ադրբեջանում կապված է հասարակության մեջ ագրեսիայի աճով, ինչը խոսում է, ընդհանուր առմամբ նրա դեգրադացիայի մասին:
