Ո՞ւր է Էդվարդ նալբանդյանը. «Զարմանում ենք, որ պարբերաբար չի գալիս»
«Բյուջեի նախագծի քննարկումների այս գրաֆիկը մեկ ամիս առաջ կար, ինչո՞ւ նախարարը չի կարողացել ծրագրել, որ այստեղ ներկա լիներ: Սա առնվազն վերաբերմունք է»,- այսօր ԱԺ եվրոպական ինտեգրման հարցերի ու ֆինանսավարկային և բուջետային հարցերի մշտական հանձնաժողովների համատեղ նիստում 2017 թ. բյուջեի նախագծի քննարկումների ժամանակ հայտարարեց ՀԱԿ խմբակցության քարտուղար Արամ Մանուկյանը:
«Զարմանում եմ, որ պարբերաբար բարձրացնում եք այդ հարցը»,- ասաց ՀՀ ԱԳ փոխնախարար Կարեն Նազարյանը:
Պատգամավորները միահաուռ արձագանքեցին` «թող գա, չբարձրացնենք», իսկ Միքայել Մելքումյանն էլ նկատեց` «զարմանում ենք, որ պարբերաբար չի գալիս»:
Կ.Նազարյանը հայտարարեց, թե ԱԳ նախարարի ամեն մի հանդիպումն ու շփումները թափանցիկ են, մամուլի միջոցով դրանց մասին տեղեկացվում է, իսկ այս պահին Էդվարդ Նալբանդյանը գտնվում է Գերմանիայում, առաջիկա օրերին կվերադառնա:
