ՄԻՊ-ը, ԵԽ-ն և ՀՀ ՊՆ-ն Զինված ուժերում մարդու իրավունքների և ժողովրդավարության վերաբերյալ ծրագիր կիրականացնեն
ՄԻՊ-ի, Եվրախորհրդարանի և ՀՀ պաշտպանության նախարարության կողմից աննախադեպ ծրագիր է իրականացվելու` Զինված ուժերում մարդու իրավունքների և ժողովրդավարության վերաբերյալ: Այսօր ԱԺ մշտական հանձնաժողովների նիստում 2017 թ. բյուջեի նախագծի քննարկումների ժամանակ այս մասին տեղեկացրեց Մարդու իրավունքների պաշտպան Արման Թաթոյանը:
«Զինծառայողների հետ կապված առաձին ծրագրեր իրականացնելու անհրաժեշտություն կա»,- ասաց նա:
Ըստ Թաթոյանի` այդ ծրագրում կներգրավվեն նաև հասարակական կազմակերպություններ: Նա նշեց, որ այդ ծրագրի համար 5-6 մլն դրամի անհրաժեշտություն կլինի, բայց եթե ԵԽ հետ իրականացվի, կարող է որոշակի կոմպենսացվել:
Նա նշեց, որ ՄԻՊ-ը զբաղվելու է և արդեն իսկ բավականին աշխատանք է կատարել խաղաղ պայմաններում զոհված զինծառայողների հարցերով, որոնց առումով շատ մտահոգ են. «Ուզում ենք կանխարգելիչ բնույթի միջոցառումներ իրականացնել»:
