Կու-Կլուկս-Կլանն աջակցություն է հայտնել Թրամփին
Ամերիկյան աջ ծայրահեղական Կու-Կլուկս-Կլան կազմակերպությունը ԱՄՆ նախագահի պաշտոնում ցանկանում է տեսնել հանրապետական թեկնածու Դոնալդ Թրամփին: Ինչպես հաղորդում է Interfax-ը, այս մասին գրում է The Washington Post-ը: Կազմակերպության կողմից Թրամփին աջակցող հոդվածը հայտնվել է ԿԿԿ-ի կողմից հրատարակվող հիմնական պարբերականում՝ The Crusaderում (Խաչակիրըխմբ.): Հոդվածի հեղինակը հովիվ Թոմաս Ռոբն է, ով դրական է արտահայտվում նաև Թրամփի՝ «Ամերիկան նորից մեծ դարձնենք» կարգախոսի մասին: «Ամերիկան հիմնադրվել է որպես սպիտակ քրիստոնեական հանրապետություն: Այն մեծ դարձավ հենց որպես սպիտակ քրիստոնեական հանրապետություն»,- նշել է հովիվը:
Միաժամանակ, հանրապետական թեկնածուի շտաբն անհապաղ արձագանքել է այս հոդվածին՝ շեշտելով, որ «ատելությունը ցանկացած իր դրսևորման մեջ անընդունելի է», իսկ հոդվածի հեղինակի կարծիքները չեն արտացոլում Թրամփին աջակցող միլիոնավոր ամերիկացիների հայացքները:
