«Այսօր ֆերմերը պատրաստ չի կոոպերացվելու». Իգնատի Առաքելյան
Գյուղատնտեսության ոլորտում կոոպերացիայի մակարդակը չի բավարարում ոլորտի նախարար Իգնատի Առաքելյանին:
Այսօր ԱԺ մշտական հանձնաժողովների նիստում 2017թ. բյուջեի նախագծի քննարկումների ժամանակ նախարարը հայտարարեց, որ հասարակական խորհրդում հարցը քննարկվել է, խնդիրներ կան օրենքում:
«Ամենակարևորը ֆերմերների գաղափարախոսությունն է. այսօր ֆերմերը պատրաստ չի կոոպերացվելու: Օրենքը կարող ենք գրել, բայց եթե ֆերմերը պատրաստ չի կոոպերացվելու, ինչ օրենք էլ գրենք՝ չի օգնի»,- ասաց Ի. Առաքելյանը` նշելով, որ ամեն դեպքում պետք է կոոպերացիայի մասին օրենքը գրեն` ֆիքսելով պետական աջակցության ուղղությունները` տեխնիկայի տրամադրում, վարկեր և այլն:
«Բայց ամենակարևորը, որ ֆերմերները ոչ թե իրար դեմ, այլ իրար հետ աշխատեն»,- նկատեց նախարարը:
