Հայազգի դիզայներ Ալեքսանդր Հարությունովը ներկայացրել է իր նոր հավաքածուն

Alexander Arutyunov բրենդը հիմնադրվել է 2011 թվականին: Հենց այդ թվականին հայազգի դիզայներ Ալեքսանդր Հարությունովը ներկայացրեց իր առաջին անհատական ցուցահանդեսը: Այդ ժամանակից ի վեր դիզայները տարին 2 անգամ ներկայացնում է pret-a-porte հավաքածուներ:

Դիզայներ Ալեքսանդր Հարությունովը ծնվել և մեծացել է Վրաստանում: Հայրենի քաղաքի նկատմամբ սերն ու հիացմունքը փոխանցվում է բրենդի հեղինակած բոլոր իրերին: Շատ հաճախ հենց Թբիլիսիի ճարտարապետությունն է ոգեշնչում Ալեքսանդրին նոր հավաքածուները ստեղծելիս:

Ինչպես նաև Alexander Arutyunov բրենդն ամեն տարի թողարկում է աքսեսուարներ, պայուսակների, գոտիների հավաքածուներ: Աքսեսուարները ստեղծելիս Ալեքսանդրը հաճախ համագործակցում է երիտասարդ նկարիչների, ոսկերիչների և հմուտ արհեստավորների հետ:

2014թ. աշնանն առաջին անգամ ներկայացվել է ոսկերչական իրերի Alexander Arutyunov Jewelry հավաքածուն:

Ներկայանում ենք Ալեքսանդր Հարությունովի նոր՝ 2016-2017 աշուն-ձմեռ հավաքածուն: