Սիրիական բանակը գրոհում է Հալեպում ռազմավարական նշանակություն ունեցող բարձունքը
Սիրիական բանակը շարունակում է հարձակումը ահաբեկիչների դիրքերի ուղղությամբ Հալեպի հարավարևմտյան մասում գտնվող շուկայի շրջանում, հայտնում է RIA Novosti-ն՝ հղում կատարելով աշխարհազորայիններին։
«Բանակն ու աշխարհազորային ջոկատները շարունակում են գրոհել Հեքմե բարձունքները, որի գրավումը կկտրի ահաբեկիչների մատակարարումները դեպի 1070 թաղամաս։ Թեժ մարտերը շարունակվում են»,- ասել է գործակալության զրուցակիցը։
Սիրիական բանակը երկուշաբթի տեղի ունեցած հարձակումների ժամանակ վերադարձրել է վերահսկողությունը երեք ռազմավարական բարձունքների նկատմամբ։
