Ճապոնիայի այգիներից մեկում պայթյուններ են որոտացել, կա 1 զոհ
Ճապոնիայի Ուցունոմիա քաղաքի այգիներից մեկում պայթյունների հետևանքով զոհվել է 1 մարդ, ևս 3-ը տուժել է, հայտնում է ճապոնական NHK հեռուստաալիքը՝ հղում կատարելով տեղի ոստիկանությանը:
Զոհի մարմինը ծանր վերքերով հայտնաբերվել է հեծանիվների կայանատեղիում: Եվս մեկ պայթյուն որոտացել է առաջին պայթյունի վայրից 200 մ հեռավորության վրա:
Տուժածներից մեկի վիճակը ծանր է, պայթյունների պատճառները դեռ հայտնի չեն: 
