Թուրքիայի վարչապետը հայտարարել է երկրի՝ Իրաքում միջոցներ ձեռնարկելու պատրաստակամության մասին
Թուրքիայի վարչապետ Բինալի Յըլդըրմը հայտարարել է, որ Թուրքիան պատրաստ է միջոցներ ձեռնարկել Իրաքում, քանի որ բավարարված չէ Վաշինգտոնի և Բաղդադի խոստումներով, թե «Քրդական աշխատավորական» կուսակցության (PKK) անդամները չեն մասնակցի Մոսուլի գրավմանը: Այս մասին հայտնում է Reuters-ը:
Յըլդըրըմը նշել է, որ Թուրքիան չի կարող անմասն մնալ Իրաքում կատարվող գործողություններից, որի հետ իր երկիրն ունի 220 կմ-անոց սահման:
«Թուրքիան չի կարող մի կողմ քաշվել՝ նայելով զանգվածային սպանություններին, ներգաղթյալների պոտենցյալ ալիքին ու իր սահմանի հարևանությամբ ընթացող մարտերին, այդ պատճառով էլ անհրաժեշտության դեպքում միջոցներ կձեռնարկի»,- ասել է Թուրքիայի վարչապետը:
