Իրաքի ղեկավարությունը հայտարարել է, որ Մոսուլում օպերացիայի արագությունը գերազանցում է սպասելիքները
Իրաքյան զորքերի առաջխաղացման արագությունը երկրի` մեծությամբ երկրորդ քաղաք Մոսուլն «Իսլամական պետության» ահաբեկիչներից ազատագրելու օպերացիայի ընթացքում գերազանցում է սպասելիքները: Ինչպես տեղեկացնում է ՌԻԱ Նովոստին, այս մասին հայտարարել է Իրաքի վարչապետի ներկայացուցիչ Հադեյրա ալՀուդեյսին:
Նա հերքել է լուրերն այն մասին, որ Թուրքիան մասնակցել է Մոսուլում տեղի ունեցած ռազմական գործողություններին: «Թուրքիան դեր չի խաղում այդ գործողություններում», նշել է ալՀուդեյսին:
