Ուզբեկստանի պաշտպանության նախարարության ուղղաթիռի վթարի հետեւանքով զոհվել է 9 մարդ
Ուզբեկստանի արեւելքում վթարի է ենթարկվել երկրի պաշտպանության նախարարության ուղղաթիռը, ինչի հետեւանքով 9 մարդ է զոհվել: Այս մասին տեղեկացնում է РИА «Новости»-ն:
«2016 թվականի հոկտեմբերի 18-ին Ֆերգանի շրջանի տարածքում պլանային թռիչք կատարելիս վթարի է ենթարկվել Ուզբեկստանի պաշտպանության նախարարության Ми171 ուղղաթիռը»,- ասված է պաշտոնական հաղորդագրության մեջ:
Հաղորդվում է նաեւ, որ զոհերի թվում են անձնակազմի 3 անդամները, ինչպես նաեւ 6 զինծառայողներ:
Երկրի ղեկավարությունը ստեղծել է հատուկ հանձնաժողով աղետի պատճառները հետաքննելու համար:
