Ստամբուլում ԻՊ-ի 4 անդամ է ձերբակալվել
Ստամբուլում Թուրքիայի անվտանգության ուժերի կողմից «Իսլամական պետություն» ահաբեկչական կազմակերպության անդամներին բացահայտելուն ուղղված գործողությունների ժամանակ 4 ահաբեկիչ է ձերբակալվել:
Այս մասին հայտնում է թուրքական haberler.com լրատվական կայքը:
Հետախուզական գործողությունները միաժամանակ տեղի են ունեցել Ստամբուլի Սկյուդար, Ումրանիյե, Սուլթանբեյ, Փենդիք թաղամասերում:
Հայտնի է, որ այս 4 ահաբեկիչները Սիրիայում թուրքական զորքերի կողմից իրականացվող «Եփրատի վահան» գործողության ընթացքում պատերազմել են «Իսլամական պետություն» ահաբեկչական խմբավորման զինյալների շարքերում թուրքական ԶՈՒ-ի դեմ:
«Եփրատի վահան» գործողությամբ Սիրիա ներխուժելու Թուրքիայի իրական նպատակը հյուսիսային շրջանները քրդերից մաքրելն է: Անկարան հայտարարել է, որ թույլ չի տա, որպեսզի սիրիացի քրդերը հիմնավորվեն Եփրատի աջ ափում, ինչով կմեծանա թուրք սիրական սահմանում քրդական ինքնավարության ստեղծման հավանականությունը:
