Թուրքիայում բանտարկվել է Ֆեթուլլահ Գյուլենի եղբայրը
Թուրքիայի Իզմիրի նահանգում բանտարկվել է «Հիզմեթ հարեքեթի» ազդեցիկ կրոնական կազմակերպության առաջնորդ Ֆեթուլլահ Գյուլենի եղբարը՝ Քութբեթթին Գյուլենը: Այս մասին հայտնում է թուրքական trthaber.com լրատվական կայքը:
Քութբեթթին Գյուլենը մեղադրվում է զինված ահաբեկչական խմբի անդամ լինելու մեջ, նրա գործը ուղարկվել է դատարան:
Քութբեթթին Գյուլենը չի ընդունում իր մեղքը եւ ժխտում է որեւէ ահաբեկչական կազմակերպության իր անդամակցությունը:
Ֆեթուլլահ Գյուլենի եղբայրը ոստիկանության կողմից բերման էր ենթարկվել հոկտեմբերի 2-ին:
