Իրաքի ավիացիան թռուցիկներով նախազգուշացրել է Մոսուլի բնակիչներին գրոհի մասին
Իրաքի ավիացիան հազարավոր թռուցիկներ է նետել Մոսուլի մոտակայքում, որտեղ նախազգուշացվում է քաղաքի մոտալուտ գրոհի մասին, հայտնում է CNN-ը:
«Սա հաղթանակի ժամն է: Ժամանակն է փառաբանել մաքուր Իրաքն առանց ԴԱԻՇ-ի կամ այլ մութ հավատի»,- ասվում է թռուցիկի տեքստում:
Մեկ այլ գրության մեջ ասվում է, որ իրաքյան ավիացիան պատրաստվում է միջոցներ ձեռնարկել Մոսուլի ազատագրման ու տարածաշրջանում անվտանգություն և կայունություն հաստատելու համար:
Քաղաքի բնակիչներին խորհուրդ է տրվում խուճապի չմատնվել և խուսափել ԴԱԻՇ-ի զինյալների կուտակման վայրերում հավաքվելուց:
Այսօր որոշ ԶԼՄ-ներ անգամ գրել էին, թե սկսվել է Մոսուլը ԴԱԻՇ-ից ազատելու գործողությունը:
