Երգչուհի Ադելն օրական վաստակում է 84 հազար ֆունտ սթերլինգ
Բրիտանացի երգչուհի Ադելը օրական վաստակում է 84 հազար ֆունտ սթերլինգ, հաստատում է The Sun-ը:
Ըստ թերթի տվյալների, անցյալ տարի Ադելը վաստակել է 30 մլն ֆունտ սթերլինգ, ինչը օրական հաշվարկով կազմում է 84 հազար ֆունտ սթերլինգ: Ամբողջ կարիերայի ընթացքում երգչուհու ստացած շահույթը` ձայնասկավառակների հանրաճանաչության շնորհիվ գերազանցում է 100 մլն ֆունտ սթերլինգը:
Ըստ աղբյուրի տվյալների, Ադելը նախորդ տարի վճարել է գրեթե 4 միլիոն ֆունտ սթերլինգի կորպորատիվ հարկ, ինչն ավելին է՝ համեմատած մի շարք գլոբալ ընկերությունների հետ։
Ավելի վաղ հայտնի էր դարձել, որ Ադելը հանդիսանում է American Music Awards-ի մրցանակների հավակնորդ:
