Մեծ Բրիտանիան դիտարկում է ՌԴ-ի դեմ նոր պատժամիջոցների հնարավորությունը
Պաշտոնական Լոնդոնը դիտարկում է Ռուսաստանին պատասխանատվության ենթարկելու հնարավորությունը` Սիրիայում հակամարտության խորացման պարագայում: Ինչպես հաղորդում է Interfax-ը, այս մասին գործակալությանը հայտնել է ՌԴ-ում Մեծ Բրիտանիայի դեսպանության ներկայացուցիչը:
«Մեզ համար ակնհայտ է, որ Ռուսաստանի գործողությունները նպաստել են Սիրիայում հակամարտության երկարաձգմանը և սիրիացի ժողովրդի դժբախտությունների շարունակմանը: Մենք հիմա մեր գործընկերների հետ դիտարկում ենք Ռուսաստանին պատասխանատվության ենթարկելու հնարավոր տարբերակները»,- նշել է գործակալության աղբյուրը:
Մեծ Բրիտանիայի կողմից ընդդիմությանն աջակցություն ցուցաբերելու հնարավորությունների մասին հարցին` գործակալության զրուցակիցը պատասխանել է, որ բրիտանական աջակցությունը սահմանափակվում է «փրկարարական սարքավորումներով և քաղաքական աջակցությամբ»:
