WikiLeaks-ը հրապարակել է Քլինթոնի շտաբի պետի նամակագրության վեցերորդ մասը
WikiLeaks-ը հրապարակել է ԱՄՆ նախագահի դեմոկրատական կուսակցության թեկնածու Հիլարի Քլինթոնի նախընտրական շտաբի ղեկավար Ջոն Պոդեստայի նամակագրության վեցերորդ մասը: Այդ մասին նշված է WikiLeaks-ի թվիթերյան էջը:
Ընդգծվում է, որ վեցերորդ մասը բաղկացած է երկու հազար հաղորդագրությունից: Ավելի վաղ տեղեկացվել էր, որ WikiLeaks-ը հրապարակել է Պոդեստայի հաղորդագրությունների առաջին, երկրորդ, երրորդ, չորրորդ և հինգերորդ մասերը:
Քլինթոնի ներկայացուցիչները մինչ այժմ ոչ հաստատել ոչ հերքել են հաղորդագրությունների վավերականությունը: Դեռևս հայտնի չէ, թե որքան ժամանակ է Ջուլիան Ասանժի կազմակերպությունը մտադիր հրապարակել Պոդեստայի հաղորդագրություննեը:
