Թունիսի նախագահի կանխատեսմամբ` որոշ ժամանակ անց Սիրիան կարող է գոյություն չունենալ
Սիրիայի խնդիրները կապված են ոչ թե երկրի նախագահ Բաշար Ասադի, այլ նրա հետ, որ որոշ ժամանակ անց այդ երկիրը կարող է վերանալ աշխարհի քարտեզից: Նման տեսակետ, ինչպես տեղեկացնում է ՏԱՍՍ գործակալությունը, հայտնել է Թունիսի նախագահ Բեժի Քաիդ էս-Սեբսին:
Նրա խոսքով` Սիրիայից կպահանջվի 50 տարի նախկին վիճակին վերադառնալու համար «Նույնն էլ պատահեց Իրաքի դեպքում»,- ասել է նա:
Նախագահն իր հիասթափությունն է արտահայտել միջազգային քննարկումների գործընթացից արաբական պետությունների բացակայության կապակցությամբ:
