Նարնջով և կոկոսով հաց

Հրավիրեք Ձեր ընկերներին և թեյի հետ հյուրասիրեք այս հրաշալի հացը:

Բաղադրիչները.

Հացի համար.

1. Կոկոսի յուղ – 1/2 բաժակ
2. Շաքարավազ – 1 բաժակ
3. Ձու – 2 հատ
4. Անյուղ յոգուրտ (առանց հավելումների) – 3/4 բաժակ
5. Վանիլինի էքստրակտ – 2 թ/գ
6. Նարինջ – 1 հատ
7. Ալյուր – 2 բաժակ
8. Փխրեցուցիչ – 1/2 թ/գ
9. Աղ – 3/4 թ/գ

Ջնարակի համար.

1. Շաքարի փոշի – 1/2 բաժակ + 2 ճ/գ
2. Կոկոսի յուղ – 3 ճ/գ
3. Կաթ – 1 ճ/գ
4. Վանիլինի էքստրակտ – 1/2 թ/գ
5. Նուշ (ըստ ցանկության) – ձևավորման համար

Պատրաստման եղանակը.

1. Տաքացնել ջեռոցը մինչև 180 աստիճան:

2. Հացի համար նախատեսված հատուկ կաղապարի մեջ փռել պերգամենտ:

3. Տաքացնել կոկոսի յուղը (այն պետք է հեղուկ դառնա):

4. Նարնջից քերել կեղևը:

5. Մեծ թասի մեջ խառնել կոկոսի յուղը, շաքարավազը, ձվերը, յոգուրտը, վանիլինի էքսրտակտը և նարնջի կեղևը:

6. Առանձին թասի մեջ խառնել ալյուրը, փխրեցուցիչը և աղը:

7. Չոր խառնուրդն ավելացնել հեղուկի մեջ և լավ խառնել:

8. Ստացված խմորը լցնել կաղապարի մեջ և թխել 1 ժամ:

9. Ջնարակ պատրաստելու համար խառնել շաքարի փոշին, կոկոսի յուղը, կաթը և վանիլինի էքստրակտը և 15 վայրկյանով ուղարկել միկրոալիքային վառարանի մեջ:

10. Լավ խառնել ջնարակը, լցնել հացի վրա, զարդարել կտրատված նուշով և մատուցել:

Պատրաստեց Անի Գաբուզյանը