Պավել Սմիրնովը միանձնյա գլխավորում է «Երևան Օփեն»-ի մրցաշարային աղյուսակը
Երեկ «Երևան Օփեն»-ում տեղի ունեցան մրցաշարի 7-րդ տուրի պարտիաները: Մրցաշարն առաջին անգամ ունեցավ միանձնյա առաջատար. Պավել Սմիրնովը 7 հնարավորից վաստակել է 6,5 միավոր և սկսել է միանձնյա գլխավորել մրցաշարային աղյուսակը:
Առաջատարից կես միավորով ետ են մնում Տիգրան Լ. Պետրոսյանը և Ալեքսեյ Ալեքսանդրովը: Այսօր կայանալիք 8-րդ տուրում Տիգրան Լ. Պետրոսյանը և Պավել Սմիրնովը մրցելու են միմյանց դեմ: Տուրի մյուս կենտրոնական պարտիայում միմյանց դեմ կխաղան Ռոբերտ Հովհաննիսյանն ու Ալեքսեյ Ալեքսանդրովը:
