Հայաստանի հավաքականի ժամանակացույցը Լեհաստանում
Հոկտեմբերի 11-ին՝ Երևանի ժամանակով 22։45-ին, Լեհաստանի մայրաքաղաք Վարշավայի «Ազգային» մարզադաշտում տեղի կունենա Աշխարհի 2018 թ․ առաջնության ընտրական փուլի Լեհաստան-Հայաստան հանդիպումը։
Հայաստանի ազգային հավաքականը և ՀՖՖ ֆուտբոլային պատվիրակությունը Լեհաստան կմեկնեն հոկտեմբերի 10-ի առավոտյան՝ Երևան-Վարշավա չարտերային ուղերթով։ Մեր թիմը կհանգրվանի «Մարիոթ Վարշավա Հոթել» հյուրանոցում։ Հոկտեմբերի 10-ին՝ Երևանի ժամանակով 19։30-ին (տեղական ժամանակով՝ 17։30), Վարշավայի «Ազգային» մարզադաշտի մամուլի ասուլիսների սրահում տեղի կունենա Հայաստանիա ազգային հավաքականի գլխավոր մարզիչ Վարուժան Սուքիասյանի մամուլի ասուլիսը։
Հոկտեմբերի 10-ին՝ Երևանի ժամանակով 20։00-ին (տեղական ժամանակով՝ 18։00-ին) Վարշավայի «Ազգային» մարզադաշտում տեղի կունենա Հայաստանի ազգային հավաքականի նախախաղային մարզումը, որի առաջին 15 րոպեները բաց կլինեն Մեդիայի հավատարմագրված ներկայացուցիչների համար։
