Փարիզի քաղաքապետը մասնակցելու է «Էրեբունի-Երևան» տոնակատարություններին
Փարիզի քաղաքապետ Անն Իդալգոն Երևանի քաղաքապետ Տարոն Մարգարյանի հրավերով, հոկտեմբերի 7-ին պաշտոնական այցով կժամանի Երևան: Ինչպես տեղեկացրին ՀՀ-ում Ֆրանսիայի դեսպանատան մամուլի ծառայությունից, տիկին Ինդալգոյին ուղեկցելու է Փարիզի քաղաքային խորհրդում ներկայացված բոլոր քաղաքական ուղղությունների ներկայացուցիչներից կազմված պատվիրակությունը, որը հանդիպումներ կունենա տնտեսական և կրթական ոլորտի գործընկերների հետ:
Հոկտեմբերի 8-ին Փարիզի քաղաքապետը կհանդիպի Հանրապետության Նախագահին, Արտաքին գործերի նախարարին և Երևանի քաղաքապետին:
Այցի ընթացքում Փարիզի քաղաքապետը ծաղկեպսակ կդնի Հայոց Ցեղասպանության հուշահամալիրում, կայցելի նաև Կոմիտասի թանգարան ինստիտուտ: Անն Իդալգոն մասնակցելու է «Էրեբունի-Երևան-2798» տոնակատարության հանդիսավոր արարողությանը:
