Արաս Օզբիլիսը հնարավոր է տեղափոխվի «Թերեք»
Հայաստանի ազգային հավաքականի կիսապաշտպան Արաս Օզբիլիսը ձմեռային տրանսֆերային պատուհանի ընթացքում հնարավոր է տեղափոխվի Գրոզնիի «Թերեք»: Այդ մասին հաղորդում է sadecehaber.com-ը:
Ամռանն իսպանական «Ռայո Վալեկանո»-ից տեղափոխվելով Բեշիքթաշ՝ Օզբիլիսը մասնակցել է ընդամենը մեկ պաշտոնական հանդիպման՝ Թուրքիայի առաջնության առաջին տուրում փոխարինման դուրս գալով «Ալանյասպոր»-ի դեմ խաղում: Դրանից հետո 26-ամյա կիսապաշտպանը չի ընդգրկվել թիմի հայտացուցակում: «Բեշիքթաշ»-ն Արասին չի ընդգրկել նաև Չեմպիոնների լիգայի իր հայտացուցակում:
Օզբիլիսը «Բեշիքթաշ» էր տեղափոխվել նախորդ տարվա հունվարին` Մոսկվայի «Սպարտակ»-ից: Թուրքական ակումբը հայ ֆուտբոլիստին վարձավճարով տրամադրել էր «Ռայո Վալեկանո»ին:
