ՏԻՄ ընտրություններին ժամը 17։00-ի դրությամբ մասնակցել է ընտրողների 41.42%-ը
Հայաստանի 6 մարզերի 375 համայնքներում ընթացող տեղական ինքնակառավարման մարմինների ընտրությունների քվեարկության մասնակիցների թիվը ժամը 17:00-ի դրությամբ 308 հազար 286 է կամ 41.42%:
Գյումրիում և Վանաձորում ժամը 17:00ի դրությամբ քվեարկության մասնակիցների ընդհանուր թիվը 34 հազար 776 է կամ 27.6%:
Այս մասին «Արմենպրես»ին տեղեկացրին ՀՀ կենտրոնական ընտրական հանձնաժողովի մամուլի ծառայությունից, որի հաղորդագրության համաձայն, քվեարկության մասնակիցների թվին, ըստ ընտրական տեղամասերի, կարելի է ծանոթանալ ՀՀ կենտրոնական ընտրական հանձնաժողովի համացանցային կայքում` www.elections.am:
