Իրանի պետական բանկերի մենեջերները կպատժվեն չափազանց բարձր աշխատավարձերի համար
Իրանի իշխանությունները հայտնել են, որ պետական ոլորտի շուրջ 400 բարձրաստիճան աշխատակիցներ կպատժվեն բարձր աշխատավարձերի պատճառով, հայտնում է BBC-ն:
Ինչպես պարզվել է հետաքննության ընթացքում, պետական բաներում ղեկավար պաշտոններ զբաղեցնող աշխատակիցները ստացել են աշխատավարձեր, որոնք երբեմն 50 անգամ գերազանցել են պետական ոլորտի միջին վիճակագրական աշխատավարձերը:
Դրա հետ կապված՝ Իրանի խորհրդարանի խոսնակ Ալի Լարիջանին հայտարարել է արմատական բարեփոխումների մասին, որպեսզի առանձին անհատներ չհարստանան պետական ոլորտի հաշվին:
