Հռոմի պապը ժամանել է Բաքու
Հռոմի պապը Վրաստանից մեկնել է Ադրբեջան, հայտնում է ադրբեջանական Trend գործակալությունը:
Հեյդար Ալիևի անվան միջազգային օդանավակայանում, որը զարդարված է եղել Սուրբ գահի և Ադրբեջանի դրոշներով, Հռոմի պապի պատվին պատվո պահակախումբ է կանգնեցվել:
Հռոմի պապին օդանավակայանում դիմավորել են Ադրբեջանի վարչապետի առաջին տեղակալ Յաղուբ Էյուբովն ու այլ պաշտոնատար անձինք: 
Հռոմի պապի այցն Ադրբեջան կարճատև է լինելու: Այսօր երեկոյան վերջինս կվերադառնա Վատիկան: 
Ավելի վաղ Հռոմի պապը հայտարարել էր, որ ընդունել է այդ երկրներ հրավերը վաղնջական քրիստոնեական արմատների պատճառով, որ առկա են այդ հողերում, ինչպես նաև խաղաղության ուղիների խթանման նպատակով։
Հիշեցնենք, որ Հռոմի պապը Վրաստան էր մեկնել սեպտեմբերի 30-ին:
