«Վալենսիան» երկամյա պայմանագիր է կնքել Չեզարե Պրանդելիի հետ
Իտալացին պետք է փրկի «չղջիկներին»:
«Վալենսիան» արդեն բանակցություններ վարել է իտալացու հետ և ստորագրել է նրա հետ երկամյա պայմանագիր: Բայց, ըստ Football Italia-ի տեղեկության, Պրանդելին աշխատանքի կանցնի երկուշաբթիից ոչ շուտ: Սեպտեմբերի 20-ին «Վալենսիան» հեռացրեց Պակո Այեստարանին:
6 տուրերից հետո «չղջիկները» հավաքել են 6 միավոր և Իսպանիայի առաջնությունում գրավում են 16-րդ տեղը:
Պրանդելին առանց աշխատանքի է 2015 թվականից, երբ նրան հեռացրին «Գալաթասարայից»: 59-ամյա իտալացին աշխատել է նաև «Ատալանտայում», «Լեչեում», «Վերոնայում», «Վենեցիայում», «Պարմայում», «Ռոմայում», «Ֆիորենտինայում» և Իտալիայի հավաքականում:
Պատրաստեց Անի Գաբուզյանը
