«Փարիզը կարող է կազմակերպել Հայաստանի և Ադրբեջանի նախագահների հանդիպումը». Բաքվում Ֆրանսիայի դեսպան
Փարիզը կարող է կազմակերպել Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումը, հայտարարել է Բաքվում Ֆրանսիայի դեսպան Աուրելիա Բուշեզը, ում խոսքերը մեջբերում է «Ինտերֆաքս-Ադրբեջանը»։
«Ֆրանսիան արտահայտել է իր դիրքորոշումը։ Մենք կարող ենք ընդունել Ադրբեջանի և Հայաստանի նախագահներին։ Ճիշտ է, հանդիպման ժամկետը դեռ ճշտվում է»,- հայտարարել է Բուշեզը։
Նրա խոսքով՝ մինչև այս տարեվերջ պլանավորված են բարձր մակարդակով հանդիպումներ ֆրանսիական և ադրբեջանական կողմերի միջև։ Ներկայումս ընթանում է հանդիպման ժամկետների համաձայնեցումը։
