Ադրբեջանի խորհրդարանը կքննարկի Եվրախորհրդարանի հետ հարաբերությունները
Ադրբեջանի Միլի մեջլիսի (խորհրդարան) աշնանային նստաշրջանի առաջին նիստի օրակարգում քննարկման է դրվել «Եվրախորհրդարանի ու Ադրբեջանական Հանրապետության Միլլի մեջլիսի համագործակցության մասին» նախագիծը, հայտնում է Trend գործակալությունը։
Խորհրդարանի խոսնակ Օգթայ Ասադովը հայտարարել է, որ Եվրախորհրդարանի «կանխակալ» վերաբերմունքի պատճառով 2015թ․ Ադրբեջանի խորհրդարանը համապատասխան որոշում էր կայացրել և կասեցրել իր մասնակցությունը Եվրախորհրդարանի հիմնած «Եվրանեսթ» ԽՎ-ին։
Վերջինս ստեղծվել է 2009 թվականի մայիսի 7-ին՝ Պրահայում տեղի ունեցած «Արևելյան գործընկերության» գագաթաժողովում:
«Անցած տարվա ընթացքում մենք չենք մասնակցել միջոցառումներից և ոչ մեկին։ Այդ ընթացքում Ադրբեջանի խորհրդարանը բազմիցս դիմումներ է ուղարկել, իրականացվել են տարբեր այցեր, ձեռնարկվել են իրավիճակը բարելավելու ուղղությամբ փորձեր»,- հայտարարել է Ասադովը։
