ՌԴ ԱԳՆ արձագանքը՝ Սերժ Սարգսյանի հայտարարությանը
ՌԴ ԱԳՆ-ում երեկ կայացած ճեպազրույցի ընթացքում ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Հայաստանի նախագահ Սերժ Սարգսյանի վերջերս կատարած հայտարարությունն այն մասին, որ ներկայումս քննարկվում է Հայաստանի մասնակցությունը Սիրիայում իրականացվող մարդասիրական գործողություններին:
«Այդ հարցը քննարկվում է ՄԱԿ-ի ներկայացուցիչների հետ: Դա ոչ այնքան Ռուսաստանի Դաշնության, որքան ՄԱԿ-ի և իհարկե, կոնկրետ երկրների հետ նրա փոխհարաբերության մասին է առ այն, թե ինչ ավանդ կարող են նրանք ունենալ համապատասխան գործունեությունում»,- ասել է Մարիա Զախարովան:
Սիրիայի մարդասիրական ծրագրերին Հայաստանի հնարավոր մասնակցության մասին հայտարարությունը Սերժ Սարգսյանն արել էր սեպտեմբերի 16-ին ԱՊՀ անդամ պետությունների ղեկավարների նիստի ընթացքում:
