Թուրքիայի և Իրանի ԱԳՆ ղեկավարները Անկարայում քննարկել են տարածաշրջանային հարցեր
Թուրքիայի արտգործնախարար Մևլյութ Չավուշօղլուն այսօր Անկարայում հանդիպել է իր իրանցի գործընկերոջ՝ Մոհամմադ Ջավադ Զարիֆի հետ, հայտնում է Anadolu գործակալությունը։
Գործակալության դիվանագիտական աղբյուրների տվյալով՝ հանդիպումը կայացել է Իրանի արտգործնախարարի՝ Թուրքիա այցի շրջանակում։
Հանդիպմանը քննարկվել են Թուրքիայի և Իրանի երկկողմ հարաբերությունները, ինչպես նաև տարածաշրջանում ընթացող գործընթացները։
Հաղորդվում է, որ Իրանի արտգործնախարարին կընդունի նաև Թուրքիայի վարչապետ Բինալի Յըլդըրըմը։
