Թուրքական ընկերությունն ավարտել է Ադրբեջանին Kasirga Т-300 ռեակտիվ համակարգերի մատակարարումը
Թուրքական Roketsan ընկերությունը պատվերով ավարտել է Ադրբեջանին Kasirga Т-300 ռեակտիվ համակարգերի մատակարարումը։
Ինչպես հայտնում է ադրբեջանական APA գործակալությունը, այդ սպառազինության մատակարարումներն իրականացվել են՝ սկսած 2015 թվականից։
Տեղեկություն այն մասին, թե քանի հատ Kasirga Т-300 ռեակտիվ համակարգ է ձեռք բերել Ադրբեջանը, չի հրապարակվում։
Kasirga Т-300-ը հագեցած է 300 մմ ռեակտիվ արկերով։ Այդ զինատեսակի հեռահարությունը կազմում է 150 կմ։
