Զաքիր Հասանովը ՌԴ օդատիեզերական ուժերի հրամանատարի հետ քննարկել է համագործակցության հարցեր
Ադրբեջանի պաշտպանության նախարար Զաքիր Հասանովը երեկ ընդունել է Ռուսաստանի օդատիեզերական ուժերի հրամանատար, գեներալ-գնդապետ Վիկտոր Բոնդարևի գլխավորած պատվիրակությանը, որն Ադրբեջան էր ժամանել՝ մասնակցելու սեպտեմբերի 27-ին Բաքվում բացված ADEX-2016 միջազգային ռազմական ցուցահանդեսին, հայտնում է ադրբեջանական APA գործակալությունը։
Ինչպես հայտնում է գործակալությունը, հղում կատարելով Ադրբեջանի պաշտպանության նախարարության մամուլի ծառայությանը, կողմերը կարծիքներ են փոխանակել ռազմական, ռազմա-տեխնիկական համագործակցության և ռազմական կրթության ոլորտի վերաբերյալ։
Հանդիպմանը քննարկվել են նաև համագործակցության զարգացման և երկկողմ հետաքրքրություն ներկայացնող այլ հարցեր։
