Ադրբեջանը կզինվի սեփական արտադրության ԱԹՍ-ներով

Սեպտեմբերի 27-ին Բաքվում բացված ADEX-2016 միջազգային ռազմական ցուցահանդեսի շրջանակում Ադրբեջանի պաշտպանության նախարար Զաքիր Հասանովը և Ադրբեջանի պաշտպանական արդյունաբերության նախարար Յավեր Ջամալովը հուշագիր են ստորագրել Ադրբեջանի զինված ուժերը տեղական արտադրության անօդաչու թռչող սարքերով (ԱԹՍ) հագեցնելու մասին։ Այս մասին հայտնում է ադրբեջանական minval.az կայքը։

Համաձայն փաստաթղթի՝ «Հարված» կոչվող կամիկաձե տեսակի և հետախուզական բնույթի հարյուրավոր ԱԹՍ-ներ կարող են մոտ ապագայում համալրել Ադրբեջանի բանակը։