«Ես կգտնեմ Վենգերին դաշտի սահմաններից դուրս և կջարդեմ նրա դեմքը». Ժոզե Մոուրինիո
Նոր բացահայտում «Յուրահատուկի» գաղտնի կյանքից: Լրագրող Ռոբ Բիսլին իր գրքում նկարագրել է Արսեն Վենգերի և Ժոզե Մոուրինիոյի միջև կոնֆլիկտը, որը սկսվել է պորտուգալացու՝ «Չելսիում» աշխատելու» առաջին շրջանի ժամանակ և շարունակվել է երկրորդ շրջանում.
«Մոուրինիոն ինձ ասաց, որ մի օր կարող է գտնել Վենգերին դաշտի սահմաններից դուրս և ջարդել նրա դեմքը»:
2015թ. հոկտեմբերի 5-ին թիմերի միջև հանդիպման ժամանակ մարզիչները քաշքշեցին միմյանց և այդ ամենը գրեթե վերածվում էր ծեծկռտուքի: Ըստ լրագրողի հուշերի, Ժոզեն խիստ բարկացած էր, քանի որ Վենգերն իր ակումբ էր հրավիրել Պետեր Չեխին, իսկ Աբրամովիչն իր համաձայնությունն էր տվել տրանսֆերի իրականացման համար:
Ժոզե Մոուրինիոյի և Արսեն Վենգերի մոտակա հանդիպումը տեղի կունենա նոյեմբերի 12-ին՝ Անգլիայի 12-րդ տուրի շրջանակներում:
Պատրաստեց Անի Գաբուզյանը
