Վենետիկյան հանձնաժողովը կհրապարակի Ադրբեջանի Սահմանադրության փոփոխությունների վերաբերյալ իր գնահատականը

Եվրոպայի խորհրդի Վենետիկյան հանձնաժողովը հաջորդ շաբաթ՝ Ադրբեջանում սեպտեմբերի 26-ին կայանալիք Սահմանադրության փոփոխությունների հանրաքվեի նախօրեին, կհրապարակի սահմանադրական փոփոխությունների վերաբերյալ իր գնահատականը։

Ավելի վաղ ԵԽԽՎ բյուրոն կոչ էր արել Վենետիկյան հանձնաժողովին ստուգել և գնահատել Ադրբեջանի Սահմանադրության առաջարկվող փոփոխությունների համապատասխանությունը Եվրոպայի խորհրդի պահանջներին և չափորոշիչներին։

ԵԽԽՎ բյուրոն այդ քայլին դիմեց այն բանից հետո, երբ Ադրբեջանի իշխանությունները հրաժարվեցին Վենետիկյան հանձնաժողովի փորձաքննությանն ուղարկել Սահմանադրության առաջարկվող փոփոխությունները։