«Մխիթարյանը գոհ չէ իր խաղային դիրքից». The Sun
The Sun պարբերականն անդրադարձել է Հայաստանի ազգային հավաքականի և «Մանչեսթեր Յունայթեդի» ֆուտբոլիստ Հենրիխ Մխիթարյանին: Պարբերականի լրագրողները փորձել են հասկանալ, թե ինչու մանչեսթերյան դերբիում չստացվեց Մխիթարյանի խաղը:
Ըստ պարբերականի՝ Մխիթարյանը գոհ չէ իր խաղային դիրքից:
Նախորդ տարիներին Մխիթարյանը խաղում էր աջ եզրում: Անգլիական ակումբում անցկացրած մի քանի խաղերում Մխիթարյանը չի փոխել դիրքը, սակայն, ըստ պարբերականի՝ Մոուրինիոյի թիմում Մխիթարյանը ցանկանում է խաղալ կենտրոնում՝ դասական 10 համարի դիրքում:
Ըստ պարբերականի՝ Մխիթարյանի համար Մոուրինիոն հենց այդ դիրքն էր նախապատրաստել, սակայն նա դեռ չի կարողանում հրաժարվել այդ դիրքում հանդես եկող Ուեյն Ռունիից:
Սիրարփի Աղաբաբյան
