Ֆուտբոլիստ, ով նախընտրում է էժան սնունդ, բայց թանկարժեք մեքենաներ. Mercury Press-ը՝ Մխիթարյանի մասին

«Մանչեսթեր Յունայթեդի»  հայ ֆուտբոլիստ Հենրիխ Մխիթարյանը շարունակում է մնալ բրիտանական պարբերականների ուշադրության կենտրոնում:

Mercury Press-ի լուսանկարիչները նկարել են հայ ֆուտբոլիստին, երբ նա գնումներով  դուրս է եկել «Sainsbury’s» խանութից:

Այս խանութը համարվում է բյուջետային: Պարբերականի լրագրողներն ուշադրություն են դարձրել այն փաստի վրա, որ Մխիթարյանը սնունդ է գնում հենց նման խանութից՝ չնայած շատ բարձր աշխատավարձին:

Սակայն պարբերականը նշում է նաև, որ Մխիթարյանը նույնչափ համեստ չէ, երբ խոսքը գնում է մեքենաների մասին:

Ավելի ուշ պարբերականը հրապարակել է լուսանկարներ, որտեղ պատկերված է անգլիական ակումբի մյուս աստղ՝ Դավիթ դե Խեան, ով նույնպես օգտվում է խանութների նույն ցանցից:

Սիրարփի Աղաբաբյան