Ադրբեջանում սեփականաշնորհվել է վաճառքի հանված 36 օբյեկտ
Ադրբեջանի գույքի հարցերով պետական կոմիտեն այսօր հայտնել է, որ սեփականաշնորհման ծրագրի շրջանակում երկրում վաճառվել է 36 միավոր պետական գույք։
Վաճառքի արդյունքում Ադրբեջանի բյուջե է փոխանցվել 1,8 մլն մանաթ, հայտնում է ադրբեջանական haqqin.az պորտալը։
Ավելի վաղ Ադրբեջանի գույքի հարցերով պետական կոմիտեն հայտարարել էր, որ աճուրդի կհանվեն 115 պետական ձեռնարկություններ և օբյեկտներ։ Դրանք ընդգրկում են ագրոքիմիայի, շինարարության, տրանսպորտի, թռչնաբուծության, արդյունաբերության, վերամշակման ոլորտներ:
