ԱՄՆ-ն ևս 81 ռուսական ընկերություն է ներառել պատժամիջոցային ցուցակում
ԱՄՆ իշխանությունները դարձյալ ընդլայնել են ընկերությունների և կազմակերպությունների ցուցակը, որոնք Ուկրաինայի հակամարտության պատճառով հայտնվել են ամերիկյան պատժամիջոցների տակ, հայտնում է BBC-ն:
Պատժամիջոցային ցուցակի ընդլանման մասին հաղորդագրությունը հրապարակվել էր կառավարական Federal Register պարբերականում, որոշումը ուժի մեջ պետք է մտնի սեպտեմբերի 7-ից:
Ցուցակում ներառվել են ավելի քան 50 ընկերություններ, որոնք առնչություն ունեն «Գազպրոմի» հետ:
Ցուցակում ներառված բոլոր ընկերությունների վրա դրվելու են առևտրային սահմանափակումներ:
