«Ճիշտ կլինի, որ նախկին զինվորականները, որոնք լավ գիտեն իրավիճակը, փոխանակ իրար քննադատեն, փորձեն գտնել համաձայնության եզրեր». Սուրեն Զոլյան
«Ես մեծ ուրախությամբ տեսա, որ այնտեղ ջանքեր են արվում վիճակը շտկելու համար, որ վերջապես մեր բարձրաստիճան զինվորական պաշտոնյաները հասկացան, որ պետք է ապահովել պաշտպանությունը, և քայլեր են ձեռնարկում»,- այսօր լրագրողների հետ հանդիպման ժամանակ այս մասին ասաց Բրյուսովի անվան պետական լեզվաբանական համալսարանի նախկին ռեկտոր, քաղ․դոկտոր Սուրեն Զոլյանը՝ խոսելով «Արմենիա» հեռուստաընկերության «Ռ-Էվոլյուցիա» հաղորդման ժամանակ ԼՂՀ ՊԲ հրամանատար, գեներալ-լեյտենանտ Լևոն Մնացականյանի հարցազրույցի մասին։
Ըստ Ս. Զոլյանի՝ ճիշտ կլինի, որ նախկին զինվորականները, որոնք լավ գիտեն իրավիճակը, փոխանակ իրար քննադատեն, փորձեն գտնել համաձայնության եզրեր. «Որովհետև իրոք հարցերը շատ են, և մենք դեռ չունենք ճշգրիտ պատասխաններ, թե ինչ է կատարվել ապրիլի սկզբին»։
Ս. Զոլյանի խոսքով՝ տարածքների հանձնման մասին խոսակցությունները ծանր ազդեցություն են ունենում ԼՂՀ-ի ժողովրդի վրա. «Նման հարցեր առհասարակ չպետք է քննարկվեն, դրանք պետք է քննարկվեն, եթե ուրվագծվի ինչ-ինչ համաձայնության նախագիծ։ Տվյալ դեպքում սա ինչ-որ իմիտացիոն գիծ է, դա քաղտեխնոլոգների հնարած քայլն է»։
Մանրամասները՝ 168.am-ի տեսանյութում։
