Թուրքիան ԴԱԻՇ-ից «ազատագրել է» Սիրիայի հետ սահմանը· Anadolu
Թուրքիայի զինված ուժերը Սիրիայի ազատ բանակի հետ համատեղ երկու երկրների հետ սահմանն «ազատագրել են» ԴԱԻՇ-ի զինյալներից:
Ինչպես հայտնում է Anadolu գործակալությունը, զինյալները զրկվել են մի շարք բնակավայրերի վերահսկողությունից, որոնք գտնվում են Ազազ քաղաքից մինչև Ջերաբլուս:
Գործակալության տեղեկություններով` հատուկ գործողության ժամանակ զինծառայողներին հաջողվել է զինյալների դիրքերը 3-5 կմ-ով տեղափոխել Սիրիայի խորքը:
BBC News-ը հաղորդում է, որ ահաբեկիչներից մաքրված տարածքի երկարությունը 91 կմ է:
Թուրքիայի վարչապետ Բինալի Յըլդըրըմը հայտարարել է, որ թուրք-սիրիական սահմանը լքել են ոչ միայն ԴԱԻՇ-ի ահաբեկիչները, այլև քրդական ջոկատները:
«Բոլոր ահաբեկչական կազմակերպությունները հետ են շպրտվել»,- հայտարարել է նա:
