Ինչու Ճապոնիայում «գաստարբայտերներ» չկան
Ճապոնիայում «գաստարբայտերների» (օտարերկրյա աշխատանքային միգրանտների) թիվը շատ քիչ է, իսկ բարձր որակավորում չունեցող աշխատաշուկայում օտարներ գրեթե չկան։
Ինչո՞ւ։ Որովհետև ճապոնացիները շատ պարզ օրենք ունեն՝ նվազագույն աշխատավարձը օտարերկրյա աշխատողի համար շատ ավելի բարձր է սահմանված, քան տեղացիների։ Այնպես որ, բարձր որակավորում չպահանջող աշխատանքների համար Ճապոնիայի գործատուներին ավելի ձեռնտու է աշխատանքի ընդունել իրենց հայրենակիցներին, քան այլոց։
Ու հասկանալի է, որ ճապոնական ընկերությունը օտարերկրացուն աշխատանքի կվերցնի ու բարձր աշխատավարձ կվճարի միայն մի դեպքում. եթե նա պրոֆեսիոնալ, որակյալ մասնագետ է։
Կասեք, որ սա հովանավորչությո՞ւն է։ Սակայն ճապոնացիներին մեծ հաշվով չի հետաքրքրում՝ ինչ կմտածեն ուրիշները։ Նրանք այս ձևով պաշտպանում են տեղական աշխատուժը և մյուս կողմից՝ նպաստում, որպեսզի Ճապոնիա գան միայն բարձր որակավորված մասնագետները։
