Մառնեուլի շրջանում հարսանիքում թունավորվածների թիվը հասել է 200-ի. կան երեխաներ
Թունավորման ախտանիշներով ևս 50 մարդ են հոսպիտալացրել Վրաստանի Մառնեուլի շրջանում տեղի ունեցած հարսանիքից հետո: Այդ մասին հայտնել են տեղական ԶԼՄ-ները: Հիշեցնենք, որ ավելի վաղ նշվում էր հիվանդանոցներ 150 տեղափոխվածների մասին:
Ըստ ԶԼՄ-ների տվյալների՝ հոսպիտալացվածներից 28-ը երեխաներ են, որոնցից 21-ը մինչ այժմ գտնվում են հիվանդանոցում:
Մարդկանց մի մասին տեղավորել են Մառնեուլի, Ռուսթավի, Բոլնիսի եւ Թբիլիսիի հիվանդանոցներում, մնացածներին տուն են ուղարկել առաջին օգնությունը ցուցաբերելուց հետո: Հիվանդանոցում գտնվողների վիճակը բժիշկները գնահատում են՝ կայուն:
